轉載︱房署清走畫廊,覺得好不憤好無奈?

編按:葵涌邨一個垃圾房,因為牆身掛上一幅幅畫作,如同廢墟中的「美術館」而廣為人知,但迅速被房署要求拆走,引來公眾聲討。《大城誌》獲授權轉載,關注勞工福利團體「明愛勞動友善社區計劃」撰寫的文章,希望從事件中,反思社區內垃圾處理中心不同的可能性,推動一個人性化的空間和尊重工友的工作環境。

房署清走畫廊,覺得好不憤好無奈?

1. 「公開就玩爛,應該靜靜地就贏?」

其實工友本身的確想低調,因為工友好了解房署同清潔公司,一有投訴一定第一時間壓落去工友,無得Say No。但其實靜靜地工友又係咪好受呢?

事實上,今次並非房署首次要求葵涌邨垃圾站清走站內物件。上年9月房署就以收到投訴懷疑有人喺垃圾站瞓覺為由,清走晒站內所有用以休息嘅櫈、水機、水煲,以及所有可以煮食用具,甚至連工友嘅水鞋都話係雜物,全部清走。結果喺夏日炎炎下,工友連水都冇得飲。

或者靜靜地可能令畫廊留得耐啲,但其實工友不被尊重的情況其實一直存在。

2. 「好離譜喎,掛吓畫都唔畀?」

我哋無何否認垃圾站作為公用設施,有正式管轄嘅用途同規範,房署要求嘅「潔淨」本身係基於安全同衞生用途。反而我哋要問嘅係「垃圾站係咪只可以係一個有垃圾嘅空間,而唔係去考慮喺度做嘢嘅人所需要嘅空間?」

而「掛吓畫都唔畀」正正質疑緊人喺工作空間內究竟有冇自主性?可唔可以建立一個感覺自在舒服嘅工作場地?「又不干擾工作,裝飾一下都無大礙啫!」咁我哋應該推動社區改變,重新想像社區內垃圾處理中心唔同嘅可能性。

讓垃圾站唔只係處理垃圾,而係成為一個人性化嘅空間。最起碼有員工休息區,有安全嘅更衣室(現時好多垃圾站都係好簡陋,用床單做布簾,情況並極唔理想),更唔應該冇基本設施,要工友自行執啲雪櫃、枱櫈嚟用。

3. 「公眾好關心咁可以點?」

其實今次事件只係顯露出房署嘅僵化,工友都唔想只係專注係單一條邨,亦擔心有好多人去到佢哋嘅工作空間,影響到佢哋同居民嘅生活。請大家都畀啲空間前線的工友。

如果大家有心關注,一齊支持工友,可以去信房署署長「要求建立尊重工友的工作環境」:

1. 除了安全及衞生要求,房署應該建立尊重工友及人性化的工作環境,容許工友裝飾工作場所,容許工友晾曬工衣、放置水鞋的等工作用品的儲物櫃及鞋櫃

2. 在垃圾站內除了廢物處理區,亦需為工友的設立安全用膳區,提供基本配套,例如包括冷熱飲水機、雪櫃、微波爐、防蚊防臭設備、掛牆風扇和清潔桌椅等

3. 提供安全的更衣設備,免於工友在更衣期間受騷擾

以上嘅建議好基本,但好重要,因為工友唔係工具,係值得被尊重嘅人,應該有一個被尊重嘅工作環境。

請大家一齊努力令香港成為對勞動者友善嘅社區。

對於如何創建一個對清潔工友善的空間設計,可參考JCDISI以洪水橋洪元路及洪平路交界的一個規劃中的垃圾收集站及社區回收中心綜合大樓為研究個案

圖片攝於2022年2月

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s