正在灣仔會展舉行的香港插畫及文創展，其中一個攤檔「強記」，被警方到場調查及拍攝畫作，其後腰斬展出。負責人阿強說：「我只係一個鍾意歷史同畫公仔嘅人，我希望呢到可以繼續畀我畫下公仔。」
「強記」會手畫社區面貌，又會創作信紙，為牆內人解悶，近年再會繪畫《強報》，集合社會發生的時事新聞。阿強在社交平台表示，昨日展覽第一日，下午5時許，警方聲稱接到市民報警，到場調查，將整個攤檔的畫作拍攝下來。
阿強說：「如果有睇過報紙嘅大家，都知道我係抄錄各大報館嘅新聞內容、無個人見解，再加分享下本地電影、生活搞笑嘢，無任何分裂同煽動意圖。我只係一個鍾意歷史同畫公仔嘅人。」
阿強補充指，今次事件與主辦方無關，抱歉為旁邊的檔主和主辦方帶來麻煩，而今次市集要先行告退，不會出現第二日展覽。最後說道：「多謝大家鍾意我嘅畫，我都依然鍾意香港，但我希望呢到可以繼續畀我畫下公仔。」
阿強曾在《大城誌》受訪，說過自己會選擇繼續畫、繼續出版，題材不局限於政治，而是取決社會發生何事觸動到她。「無人天生想做一個政治插畫家，如果因為政治而讓人認識，反映呢個地方嘅政治環境真係好差，這是一件很沉重的事情，你問我係咪真係好開心呢？其實又唔係，你知你用緊嗰件事，唔係一件開心嘅事，我只不過在畫的過程抒發些感受，而大家又有共鳴。」
阿強創作信紙，為牆內人解悶，從苦難中得到一點色彩，堅持的是「一直畫下去，直至這座城市不再需要寫信師。」
相關報道：棄讀教席全職插畫 阿強手繪信紙為囚友解悶：好似有人陪住佢哋